IV Competición de Robots da EEI

robots

A Escola de Enxeñería Industrial (EEI) da Universidade de Vigo convoca a cuarta edición da Competición de Robots en colaboración coa Rama de Estudantes do IEEE (Institute of Electrical and Electronics Engineers) e da Sección de Estudantes de ISA (International Society of Automation) da Universidade de Vigo.

O prazo para realizar a inscrición na competición remata o día 29 de xaneiro de 2018 e a data da competición será o 4 de maio de 2018 a partires das 10:30 horas nas instalacións da Escola de Enxeñería Industrial, Sede Campus (Campus Universitario Lagoas-Marcosende, Vigo).

Ao igual que nas edicións anteriores, nesta competición existen dúas categorías:

  • WALLE: dirixida aos alumnos de ESO e Bacharelato
  • R2D2: para alumnos de Formación Profesional, titulacións universitarias e outros interesados en xeral.